Milan konfirmon blerjen e Hauge
Ekipi italian Milan ka konfirmuar transferin më të ri, norvegjezin Jens Petter Hauge.
Javën e kaluar Milan luajti kundër Bodo/Glimt në kuadër të Europa League, ku ndeshja përfundoi 3:2.
Sulmuesi Hauge ishte ndër realizuesit e ndeshjes ku shënoi për Bodo/Glimt, kjo ishte një ndër arsyet që Milan u interesua për norvegjezin, dhe arritën që ta sigurojnë kartonin e lojtarit.
Milan sot zyrtarizoi blerjen e Hauge, ku ky i fundit ka nënshkruar kontratë pesëvjeçare me “rosonerët”. 21-vjeçari, Hauge, ka shënuar 26 gola në 51 paraqitje për ish-klubin e tij Bodo/Glimt.
