Milevski: Na intereson aspekti sportiv dhe aty kërkojmë fitore

Përfaqësuesja e Maqedonisë në futboll do të zhvillojë ndeshjen e fundit të edicionit të tretë të Ligës së Kombeve, kundër Bullgarisë. Përpara skuadrës vendase është një detyrë e qartë, një fitore ndaj fqinjëve për të siguruar vendin e dytë, e me këtë edhe një pozicion pak më të mirë në shortin e radhës për eliminatoret e Kampionatit Evropian të vitit 2024.

“Nuk do të thoja nëse do të ketë ndonjë ndryshim. Pres, si në çdo ndeshje, që të përpiqemi të fitojmë. Të shohim se çfarë do të sjellë ndeshja. Djemtë janë gati të tregojnë se humbëm pa meritë në Tbilisi. Sa i përket Bullgarisë, e kemi analizuar, por me shumë probleme. Ata kanë një trajner të ri dhe shumë lojtarë të rinj, dhe kjo është e panjohur. Megjithatë, ne duhet të përqendrohemi në lojën tonë. Vetëm tre nga ndeshja e parë janë këtu dhe sidomos lojtarët e rinj që janë për herë të parë në formacion, posedojnë cilësi, shikoj si funksionon kundërshtari si ekip. Është një problem i vogël për ne, sepse nuk kemi shumë material për të analizuar, por përqendrimi dhe fokusi i punës sonë nuk kufizohet në distanca të shkurtra.

Ne kemi një strategji, është krijimi i një ekipi që do të jetë konkurrues në 4-5 vitet e ardhshme. Buletini shëndetësor do të jetë më i qartë pas stërvitjes. Sa i përket fushës, nuk është në gjendje shumë të mirë. Me kërkesën time stadiumi nuk u përdor për tridhjetë ditë.

Të jemi të qartë, politika është lënë anësh, ne jemi sportistë dhe vetëm kaq na intereson. Duhet të gjejmë një mënyrë për të fituar në fushë. Pas ndeshjes në Bullgari e falënderova mikpritësin për pritjen dhe nga ana jonë do të kthehet këtu. Na intereson vetëm aspekti sportiv. Unë jam i bindur fort në pozicionin tim personal dhe atë të federatës se ne shikojmë vetëm sportin. Dhe i bëj thirrje audiencës që të jetë fer dhe korrekt”, tha Milevski.

Maqedonia ka një pikë më shumë se Bullgaria, andaj mund të përballojë një barazim në këtë ndeshje. Ndeshja mes Maqedonisë dhe Bullgarisë është caktuar për nesër (e hënë) në orën 20:45.