Дел од министрите денес ги имаа термините за вакцинирање, но за разлика од граѓаните кои чекаа да влезат во салата, тие влегоа без ред

Некои од министрите чекаа во редот за вакцинирање во А1 Арената. Но, трпението им беше кратко па влегоа внатре да се вакцинираат без да го почитуваат редот. Сите што чекаа имаа термини исто како и министрите на кабинетот на Заев. Тие беа вакцинирани со „Фајзер“, за да добијат и соодветна потврда за движење во странство без обврски за ПЦР или карантин. Министерот за правда вели дека нивна судбина била оваа недела, кога ќе се вакцинира половина од кабинетот, да ја има вакцината Фајзер.

Има бројни критики за избор на тип на вакцина и од граѓаните и од пратениците кои примиле кинески и руски вакцини, кои не гарантираат слободно движење во сите земји на ЕУ и САД. Но, вицепремиерот за економски прашања Фатмир Битиќи рече дека видот на вакцината не е важен кога станува збор за спасување животи од вирусот корона, искуство што истакна дека го доживеал и самиот.

„Пред шест месеци, на 200 метри од тука, бев во болница повеќе од 11 дена, соочувајќи се со живот или смрт, мора да го кажам ова. Благодарение на лекарите денес имам можност да го сторам она што секој граѓанин треба да го стори, да се вакцинира. Во име на лекарите им се заблагодарам и ги повикувам граѓаните да се пријават на вакцинација.мк бидејќи ова е спас “.

 Инаку, вчера пристигнаа уште 9.360 дози Фајзер, од кои 4680 во директен договор со американскиот фармацевтски производител. Според договорот, секој понеделник ќе пристигнуваат 5-7 илјади дози. Според Министерството за здравство, бројот на оние кои доброволно се пријавиле за вакцинација достигна скоро 377 илјади, над 207 илјади граѓани досега се вакцинирале, повеќе од половина од нив со две дози. Вчера беше пријавено за уште 9.721 вакцинирани низ целата земја.

Додека завршува вакцинацијата на министри и други функционери, новинарите под 40-годишна возраст сè уште не се повикани на имунизација. Претседателот Пендаровски по вакцинирањето рече дека досега имунизацијата на новинарите требаше да заврши, бидејќи тие исто така се дел од ранливата категорија граѓани затоа што секој ден се во постојан контакт со различни луѓе. АЛСАТ го праша министерот за здравство кога ќе се вакцинираат новинари под 40 години, но не добивме одговор.

 Përgatiti: Adnan Qaili