ДИК го доби серверот за податоците на гласачите за биометриското гласање

Државната изборна комисија го доби серверот што ќе ги чува податоците на гласачите за биометриско гласање на изборите. Стигнаа и други десет станици за полнење на терминалите. ДИК ќе го тестира серверот и ќе започне со обука на персоналот. Првите 200 „фингер-принт“ уреди што се веќе во ДИК се користат за обука. Во наредните денови се очекува втора пратка со уште 950 терминали. Вкупно ќе има 4.000 биометриски машини за гласање.