Димовски: На минималецот се додаваат и други ставки за исплата

Првиот човек на Сојузот на синдикати на Македонија, Дарко Димовски, изрази благодарност за усвојувањето на законското решение за минимална плата, нагласувајќи дека на основата од 18.000 денари, којашто ја покрива потрошувачката кошничка, ќе се додадат и некои други основи за дополнителна исплата на средства.

„Минималната плата не може да биде 18.000 денари, туку на таа сума се надоградуваат додатоците согласно колективниот договор, како на пример, годините стаж, работата во смени, ноќниот труд, работата за празник и неизбежното законско решение, недела неработен ден“, рече Димовски.