На неформалниот состанок на министрите за европски прашања, членки на Советот за општи работи на ЕУ, што денеска и утре ќе се одржи во Словенија една од темите ќе биде и проширувањето на Унијата. За време на првиот дел од неформалниот состанок, државниот секретар Гаспер Довчан, кој во моментов е на чело на Советот за општи работи, ќе ги претстави приоритетите на словенечкото претседателство за кои ќе се дискутира на Советот до крајот на годината, со посебен акцент врз политиката на проширување, владеењето на правото и активностите во врска со Конференцијата за иднината на Европа.
