Првиот инјекциски лек во светот за намалување на ризикот од добивање ХИВ е одобрен од Администрацијата за храна и лекови (ФДА), објави агенцијата.
Лекот за инјектирање, наречен Apretude или неговото генеричко име, „Cabotegravir“, со продолжено дејство, обезбедува алтернатива на дневните таблети за превенција од ХИВ, како што се „Truvada“ и „Descovy“. Овие таблети се до 99 проценти ефективни во спречувањето на сексуалниот пренос на ХИВ, но за да ја постигнат таа ефикасност, мора да се земаат секој ден.
Спротивно на тоа, за да се започне со Apretude, луѓето првично добиваат две дози, на растојание од еден месец, а потоа добиваат инјекција на секои два месеца, се наведува во соопштението на ФДА.
„Оваа инјекција ќе биде клучна за справување со епидемијата на ХИВ во САД, вклучително и за помош на лица со висок ризик и одредени групи каде што придржувањето до дневните лекови е голем предизвик или не е реална опција“, рече д-р Дебра Бирнкрант, директор на Одделот за антивирусни средства во Центарот за евалуација и истражување на лекови на ФДА.
Две клинички испитувања сугерираат дека Apretude го намалува ризикот од ХИВ инфекција поефикасно од дневната пилула Truvada.
Apretude чини 3.700 УСД по доза (или 22.200 долари годишно, за шест дози) и се очекува да биде испорачана до трговците на големо и специјалните дистрибутери во САД на почетокот на следната година, објави NBC News.
