Филипче: Угостителските објекти може да работат под актуелните протоколи, да се интeнзивираат инспекциите

Засега протоколите за угостителските објекти се доволни и во моментов не се предвидуваат ограничувања во нивната работа, рече министерот за здравство Венко Филипче.

Како што кажа тој засега е доволно тие да се почитуваат и апелираше за интензивирање на работата на надлежниот инспекторат.

“Во моментов, не, но и тоа може да се случи, сепак, постојат протоколи во гастрономските установи и сè што треба да се направи е да се почитуваат. Комисијата за инфективни болести, исто така, апелираше да се интензивира работата на Инспекторатот”, рече меѓу другото министерот Филипче.