Гир: Ја поздравувам солидарноста од Северна Македонија

Евроамбасадорот во земјава, Дејвид Гир, на денешната заедничка прес конференција со францускиот амбасадор, Сирил Бомгартнер, упати осуда за руската агресија врз Украина повикувајќи руската армија веднаш да се повлече од територијата на Украина. Воедно тој изрази и благодарност за солидарноста што Македонија ја покажува со земјите од ЕУ.

„Ја поздравувам солидарноста покажана од Р Северна Македонија имајќи во предвид дека земјата веднаш се усогласи со итните санкции на ЕУ против Русија со усвојување на неколку мерки и јавни ставови“, рече Гир.