Ѓоргиев: Кажа кои ликови ќе се чествуваат со Бугарија, ќе се менува и Антиката во учебниците

Копретседателот на Билатералната мултидисциплинарна комисија за историски и образовни прашања Драги Ѓоргиев на денешната прес конференција ја информираше јавноста за препораките од македонско – бугарската комисија коишто ќе бидат доставени до Владите, а се однесуваат на промени во учебниците по историја и за заедничко чествување на личности од историјата.

„Тоа се препораки коишто се однесуваат и на македонските и на бугарските учебници односно препораки од македонската страна за бугарските учебници, за 5-тти клас основно образование, вкупно пет препораки и исто толку бугарски препораки за македонските учебници за шесто одделение. Тоа се учебници коишто го третираат Античкиот период. Објавени се и препораките за заеднички чествување на личности од Средниот век, односно Светите браќа Кирил и Методиј, Св. Климент, Св., Наум и цар Самоил“, рече Ѓеоргиев.

Како што додаде тој, препораките не допирале до идентитетските прашања и биле посветени да се избегне, како што рече, митологизацијата на Античкиот период во образовниот систем на двете страни. Препораките се усвоени на меѓувладина седница во 2019 година.