Ислами: Не знам кому попречува мојата невиност

И покрај новите докази и ветувањата на политичарите кои ја докажуваат мојата невиност, 15 години сум во затвор, изјави вечерва Агим Ислами, осуден на доживотен затвор во случајот „Алфа“.

“Како што знаете, сите политичари, да не спомнам имиња, сте ги виделе низ медиуми и кај вас биле, значи сами со своја уста кажале дека сум невин и не треба да бидам во затвор. Истите политичари ми ветиле дека ќе има решение и дека ќе излезам невин, значи ќе излезам од затвор. Јас веќе навршувам 15 години и се уште сум во затвор, не знам на кого му смета мојата невиност и да излезам од затвор. Ветуваат, но ништо не реализираат, не знам зошто. Зошто не ги земаат в предвид новите докази, зошто јас се уште сум во затвор. Целото население знае дека сум невин, и политичарите тврдат со своја уста дека сум невин во разни медиуми. Да не зборувам со имиња, но сите политичари, и од опозиција и од власт. Јас не знам зошто не преземаат мерки, воопшто не им е гајле кога гледаат дека тие кои се виновни, судот ги ослободува. Тој што е невин како мене а има и други во затвор, не можат да докажат бидејќи немаат доказ, дека се невини. Јас лично за мене, ние имаме нови докази и 15 години сум во затвор, не знам зошто не преземаат мерки”, рече Агим Ислами, осуден на доживотен затвор за случајот „Алфа“.