Ќе имаме ли нов ценовен шок годинава? Еве што вели премиерот

Премиерот Димитар Ковачевски денеска соопшти дека и оваа година ќе продолжат субвенциите за справување со економската и енергетската криза за што се предвидени 225 милиони евра во Буџетот. Како што рече, одговорајќи на пратенички прашања, Владата вети дека нема да има ценовен шок за граѓаните до крајот на 2023-та.

„Во мојот Кабинет ангажирав советници со големо искуство во економијата и енергетиката, работевме деноноќно, со план, со знаење и со напорите што ги направија сите институции, се потврди дека може на граѓаните да им се испорача тоа што им е ветено и да нема ценовен шок ниту за нив, ниту за комапниите“, рече Ковачевски.