Ковачевски за инцидентот во Охрид: Перфиден начин за одвлекување на вниманието од европската иднина на државата

Класична дистракција и перфиден начин за одвлекување на вниманието од европската иднина на државата, вака премиерот Димитар Ковачевски гледа на инцидентот во Охрид, во кој пред неколку денови беше претепан секретарот на бугарскиот клуб.

„Ова е класична дистракција, на еден навистина перфиден начин, како да се одвлече вниманието од нашата европска иднина. Сето ова што се случува има импликации затоа што ова не е утакмица кога играат Пелистер и Вардар, или МЗТ и Работнички. Ова е нашата иднина“, рече Ковачевски.