Меѓу жртвите во трагичната несреќа има и двајца полицајци

Adrian Kerimi

Меѓу 44 – те жртви во несреќата на 23 ноември во Бугарија има и двајца полицајци. Извори од МВР потврдуваат дека во автобуската несреќа се наоѓале и Енис Рамановски (41 година), заменик полициски командир во Дебар и Саде Мустафовски (50 години), полицаец на граничниот премин „Блато“ со Република Албанија.

Покрај МВР, информацијата ја потврдија и членови на семејството, кои велат дека Раманоски и Мустафоски минатиот викенд биле со сопругите во Истанбул, кои исто така се меѓу жртвите во трагичната несреќа. Тоа се Зилија Мустафовска (48) и Алмира Рамановска 37 години. Семејството на социјалните мрежи ја споделија и последната фотографија од четирите жртви за време на нивниот престој во Истанбул.

Од МВР најавуваат дека ќе се чекаат резултатите од ДНК анализата и вештачењето за официјална потврда на идентитетот. Од МВР засега официјално не ја потврдуваат смртта на нивните вработени во несреќата во Бугарија на 23 ноември.