Утре СДСМ одлучува за оставката на Заев, а Алтернатива ќе дискутира за влез во Владата

Fatlume Dervishi

По завршувањето на тридневната жалост утре се очекува да продолжат политичките активности. Алтернатива потврди дека ќе одржи состанок на извршното раководство на кое ќе се разговара за евентуално влегување во Владата или останување во опозиција. Како што информираат од партијата, конечната одлука не се очекува утре.

Алтернатива

„Утре ќе разговараме дали да ја прифатиме поканата за почеток на преговори. Потоа, Централното собрание на Алтернатива треба да донесе конечна одлука дали ќе станеме или не дел од парламентарното мнозинство.“

Активности се најавени и во СДСМ кои исто така беа одложени поради трагедијата во Бугарија. СДСМ утре доцна попладне ќе го свика централното раководство на кое се очекува да биде финализирана оставката на Заев на лидерската позиција. Доколку тоа се случи утре, партиските органи во рок од 15 дена мора да распишат избори за нов претседател.

Во рамките на овие средби на СДСМ ќе се разговара и за условите на Алтернатива. Заев рече дека за нив треба да се разговара и со другите партнери од коалицијата, односно ДУИ и ДПА. Иако не е прецизирано, Заев изјави дека се работи за барања околу извршители, рурален развој и други аспекти од социјалните политики. Било одбиено да се разговара за поделба на министерски места. Можноста Алтернатива да влезе во власта беше најавена по неуспехот на опозицијата и Беса да ѝ изгласаат за недоверба на Владата на Заев.