Германската канцеларка Ангела Меркел предупреди дека ситуацијата во Германија е опасна и оти сегашните мерки против ширење на коронавирусот не се доволни и постои опасност од преоптоварување на единиците за интензивна нега во болниците.
Меркел и нејзиниот шеф на кабинет, Хелге Браун, му се обратија на врвот на ЦДУ со драматичен апел дека секој ден, во борбата против короната, е одлучувачки.
Во моментов, бројот на новоинфицирани лица во Германија се удвојува неделно, што покажува дека мерките не се доволни и дека нема забавување на епидемиолошкиот развој.
Меркел им рече на своите сопартијци дека земјата наскоро може да се соочи со тешка состојба во врска со бесплатните легла на интензивна нега.
“Овој раст мора да се запре. Ситуацијата е многу драматична”, рече таа, пренесува Билд.
