Мијалков излегува од притворот во Шутка

Поранешниот прв човек на УБК, Сашо Мијалков понудил финансиска гаранција од над 11 милиони евра за намалување на мерката на претпазливост од притвор во куќен притвор. Алсат дознава дека Апелацискиот суд ја прифатил гаранцијата.

Жалбата на Јавното обвинителство на одлуката на Апелација за промена на мерката претпазливост не го поништува спроведувањето на одлуката во оваа фаза. Односно, и покрај претставката на Обвинителството, Мијалков ќе излезе од притвор!

Мијалков од 26 февруари е во притвор во Затворот Скопје. Неправосилно е осуден 12 години затвор во случајот „Таргет – Тврдина“ за нелегалното прислушување и на 8 години затвор за случајот „Трезор. Во тек се и судски процеси за „Титаник 2“ и за „Тортура“, кој е пред донесување пресуда. Обвинителството на 12 мај годинава, поднесе обвинение и за случајот „Плацеви на Водно“, каде и Мијалков е меѓу осомничените.