Министерството за образование ги повикува студентите да се пријават на повикот што ќе биде отворен за субвенции за храна

До 31 август, ќе биде отворен јавниот повик за сегашните студенти кои сакаат да добијат субвенции за храна во износ од 2.400 денари. Според министерката за образование, Мила Царовска, истата можност ќе важи и за новите студенти на кои последен датум за пријавување ќе биде 31 октомври. Повикот не важи за студенти кои имаат месечни примања повисоки од минималната плата во земјата.

Нермин Хамиди, претседател на Унијата на студенти Албанци ја поздравува оваа иницијатива, но додава дека трошоците на студентите за храна се многу повисоки од 2.400 денари месечно. Покрај помошта за храна, студентите бараат да се зголеми и бројот на стипендии.

„Ова не значи дека е доволно бидејќи нашите барања се различни. За еден ден, 120 денари ќе ги покријат трошоците за храна, но од друга страна има други материјални трошоци, има трошоци за превоз. Можеби треба да се зголеми бројот на стипендии и висината на стипендиите, бидејќи навистина не секогаш парите што се добиваат од средината или крајот на академската година се недоволни за да се покријат сите трошоци“.

Од Унијата на студенти Албанци бараат Министерството за образование да им обезбеди на студентите бесплатни книги или по поевтини цени. Исто така бараат превоз да се обезбеди и за студентите кои доаѓаат надвор од Скопје.

Мелихате Рустеми