Мицкоски: Нѐ има премалку за да правиме концепт на поделби

Во Македонија нѐ има премалку за да имаме концепт на поделби, вели во вечерашното гостување во емисијата „Патот Кон“ на Алсат лидерот на опозициската ВМРО-ДПМНЕ, Христијан Мицкоски. Како што кажа тој ретроградните политики и политичари коишто нѐ враќаат во минатото не може да имаат успех.

„Премалку нѐ има во Македонија за да се делиме и да имаме различности особено онакви како што се прашањата од 19. или можеби почетокот на 20. век“, рече Мицкоски.

Запрашан дали Македонија е и на Албанците Мицкоски со одговор:

„Македонија е на сите граѓани во неа. Бидејќи Албанците се втора по бројност заедница во Македонија – да, Македонија е и на Албанците“.