„Моќник“ во кој е обвинет пратеникот Милошоски не почна ниту денеска

Судењето за случајот „Моќниќ“ каде еден од обвинетите е пратеникот Антонијо Милошоски никако да зaпочне. И денешното рочиште се одложи. Ако претходните не се одржаа поради корона вирусот, денеска проблем беше остуството на еден од обвинетите. Судот испратил покана на адресата која била пријавена во Кичево, но потоа утврдиле дека тој живеел во Скопје.

Во „Моќниќ“ се обвинети 13 лица, а меѓу нив е и татко му на Милошоски, поранешниот претседател на Комисијата за лустрација, Томе Аџиев, но и поранешниот градоначалник на Македонски Брод, Милосим Војневски. Обвинети се за Измама и Злоупотреба на службената положба бидејќи спровеле незаконска продажба на објект во која била сместена администрацијата на општина Пласница.