Италијанскиот првак Наполи покажува сериозен интерес за репрезентативецот Николо Заниоло. Тој моментно е на позајмица во Астон Вила од Галатасарај, но не успеа да го убеди клубот од Бирмингем да ги откупи неговите права и по крајот на сезоната ќе треба да се врати во Истанбул.
Сепак, ова веднаш го привлече вниманието на неколку клубови од Апенините кон крилниот напаѓач, а меѓу нив е и Наполи, открива „Скај Италија“. Наполи се обидува да го привлече во клубот директорот на Јувентус, Џовани Мана. Доколку тоа се случи, потписот на Заниоло ќе стане многу веројатен бидејќи Мана долго време го сакаше 24-годишниот играч.
Покрај Наполи, интерес за Заниоло има и од Фиорентина, а ситуацијата ја следат и Лацио и Рома. Тој има договор со Галатасарај до 2027 година, а неговата цена е околу 20 милиони евра. Крилниот напаѓач оваа сезона со Астон Вила постигна три гола на 35 настапи во сите натпреварувања. Сепак, тој ретко е меѓу стартерите на Унаи Емери.
