Пандемијата втурна дополнителни 100 милиони луѓе низ светот во екстремна сиромаштија и покрај тоа што владите трошат рекордни суми на пари за да ги ублажат негативните ефекти, стои во анализата на Светска банка. Јазот помеѓу сиромашните и богатите уште повеќе се продлабочува бидејќи развиените економии веќе бележат закрепнување, но тоа не се случува во малите и сиромашни економии. За излез од оваа состојба потребен е повисок степен на транспарентност во договорите за долгови и да се воведе замрзнување на отплатата на долгови за земјите со неодржлив долг.
