По завршувањето на летните одмори и приближувањето на датумот на пописот, расте интересот и активирањето на дијаспората за самопопишување

По завршувањето на летните одмори и приближувањето на датумот на пописот, расте интересот и активирањето на дијаспората за самопопишување. Од Здружението на жители на Дологожде во Швајцарија велат дека голем број различни здруженија и волонтери од многу земји започнале контакти за организирање, со цел да им помогнат на сите печалбари да се регистрираат.

„Постојано сме во контакт со други здруженија каде зборуваме за соработки и како ќе продолжиме со регистрациите. Ние сме во соработка со сите други здруженија … Подготвеноста е голема, волјата е голема и верувам дека ќе ја продолжиме работата како што беше пред празниците “.

Тој вели дека во врска во моментов тие немале контакти со институции од земјата.  Додава дека ќе користат различни простории, каде волонтерите ќе ги пречекаат да се попишат граѓани на кои им е потребна техничка помош.

„Ќе продолжиме како и пред летните одмори кога го имавме објектот во Регесдоф во кантонот Цирих кај џамијата, каде што сите граѓани имаа можност да се регистрираат со помош на волонтери, ќе продолжиме да ги нудиме истите можности. Кој има можност, може да се јави во нивните здруженија“.

Од Заводот за статистика велат дека по продолжувањето на датумот на почеток на пописот, имало голем  пад на интересот на иселениците за попишување. Заменик -директорот Илми Селами соопшти дека во текот на летната сезона имало до 15 запишани дневно. Но, во последните денови бројот на попишани лица достигнува до 50 лица дневно.

Овој попис е валиден, овој попис е законски, затоа дијаспората мора да го искористи овој момент, мора да го фати моментот, мора да се попишува бидејќи навистина со попишувањето ќе направи одлична работа, и на национално и на државно ниво, од аспект на нашата евиденција, да знаеме еднаш и засекогаш колку луѓе имаме во странство, каква етничка припадност имаме, како живеат, во кои земји ги имаме итн.

Онлајн пописот на дијаспората започна на 1 март годинава и ќе трае до 30 септември, кога ќе заврши рокот за попишување на резидентното население. Досега се регистрирани повеќе од 190.600 иселеници.

Mefail Isamili