Продолжува дводневниот министерски состанок на НАТО

Министрите за надворешни работи на НАТО започнаа дводневна видеоконференција главно за идната улога на трансатлантскиот воен сојуз во Авганистан. Пред состанокот, генералниот секретар на НАТО, Јенс Столтенберг, рече дека безбедносниот сојуз се соочува со „тешка дилема“ – дали да го напушти Авганистан и да ризикува повторно да се претвори во безбедно засолниште за меѓународните терористи или да остане и да ризикува подолга мисија со ново насилство.