Работата на државно станува сè помалку атрактивна

Колку и да се труди власта да ги зголеми платите на вработените во државна администрација, работата на државно веќе не е привлечна за младите. Синдикалците велат дека во некои институции повеќе од половина од вработените се постари од 50 години. Иако државата и понатаму останува најголем работодавач во С Македонија, од Синдикатот на УПОЗ велат дека приватниот сектор привлекува млади луѓе кои гледаат напредок во иднина.

Од Националната агенција за европски образовни програми велат дека заминувањето на квалификуван кадар во странство би можело да се спречи со странски средства.

На конференцијата на синдикалците учествуваа и претставници од регионот. Многумина од нив рекоа дека истите проблеми постојат низ целиот Западен Балкан. Велат дека се важни и условите за работа.

„Голем број истражувања што ги направивме покажуваат дека светот на младите е под влијание на работните услови. Многумина од нив би избрале уште помали плати доколку нивните работни места се сигурни, нивните права се почитуваат и можат да напредуваат на своите работни места и да го зголемат својот авторитет“, рече Александра Кнежевиќ, Центар за развој на млади, Србија.

Од март со зголемувањето на минималната плата автоматски би требало да има линеарно зголемување за околу 20 илјади државни службеници во администрацијата. Законски ова покачување од 2.500 денари треба да го следат и другите државни институции со усогласување со другите плати. Врз основа на минималецот, во приватниот сектор се очекува зголемување во рок од 6 месеци./Алсат.мк

Аднан Ќаили