Регионалниот пат Тетово-Јажинце стана „ноќна мора“ за жителите

„Ова е првиот дел од регионалниот пат Тетово – Јажинце. Премногу оптоварен, но иако неговото санирање трае два месеци, сепак недостасува хоризонталната и вертикалната сигнализација. Како резултат на тоа, возачите се збунети, но често има и сообраќајни несреќи“.

Експертите по сообраќај велат дека токму поради немањето сигнализација, особено при магливо време, се случуваат и најголемите сообраќајни несреќи.

„Нема странични линии кои им помагаат на возачите ноќе, но и во маглив период, каде што возачот може да го управува патот во многу подобра состојба. Треба да се постават и предупредувачки знаци за возачите бидејќи тоа е многу важно во однос на овој патен сегмент. Во некои сегменти каде има знаци 70 километри на час, по влегувањето во населена зона, возачот не се информира дека има ограничувања на брзината и тоа е една од причините што овој патен правец станува опасен за возачите.

Од „Македонија Пат“ се правдаат дека коловозот не можел да се направи поради лошите временски услови. Ветуваат дека наскоро ќе се направи план за безбедноста на овој патен правец.

„Почетокот на рехабилитацијата на овој дел започна со задоцнување и поради атмосферските услови сигнализацијата на овој дел не е завршена и рехабилитацијата на патот не е извршена. Проектот ќе започне по одобрување на програмата за државни патишта, веднаш ќе започнат процедурите за проектот за безбедност во сообраќајот и неговата реализација. Во однос на сигнализацијата, во моментот кога ќе имаме подобро време, ќе започне работата“.

Регионалниот пат Тетово-Јажинце не се соочува само со проблем на недостиг на хоризонтална и вертикална сигнализација во првиот дел, туку и ограничувањето на брзината. Лежечките полицајци се поставени без никакви стандарди и често ги оштетуваат автомобилите.

Башким Сулејмани