Собранието треба да ја врати транспарентноста во својата работа, вели комуникологот Марко Трошановски од Институтот за демократија „Социетас Цивилис“

Собранието треба да ја врати транспарентноста во својата работа, вели комуникологот Марко Трошановски од Институтот за демократија „Социетас Цивилис“. Кризата со вирусот корона ги смени правилата на законодавниот дом и ги остави новинарите надвор од голем дел од дебатата во парламентарните комисии. Последниот случај беше со Комисијата за избори и именувања, која беше закажана на помалку од два часа пред почетокот на седницата, а медиумите не добија известување на нивните е-адреси. Ова беше оправдано со технички проблеми.

Според Трошановски, техничката опрема за виртуелно пренесување на Собранието е застарена а Институтот има информации дека работи на нивно унапредување, сепак кризата со вирусот не треба да се користи како изговор за јавноста да не биде доволно информирана за дебатите и донесените одлуки.

Трошановски смета дека враќањето на транспарентноста може и треба да се случи.

Собранието тивко го помина огласот за слободно место за народен правобранител, па дури и еден ден по седницата на Комисијата, на веб-страницата на Собранието нема материјал за номинираните кандидати, биографии или нивниот број.

Од конституирањето на Собранието, новинарите немаат право да бидат физички присутни во сите сали каде што се одржуваат состаноците на комисијата и нема електронски канал каде на новинарите ќе им биде дадена можност да изберат дебата што сакаат да ја следат. Само пленарните седници се емитуваат на Собранискиот канал, само некои од седниците на комисиите се емитуваат на веб-страницата.

Fatlume Dervishi