Катарина Поповска од Сојузот на синдикати на Македонија во своето вечерашно гостување во емисијата „Економски Магазин“ на Алсат реагира дека во одредени стопански сектори во државава работниците имаат седумдневни работни обврски без притоа да имаат денови за одмор.
„Да не заборавиме, во моментот, особено во трговијата имаме проблем со работниците, коишто, наместо да работат петдневна работна недела, работат седум дена, не знаат кога точно им е ден на неделен одмор, дури и работата за денот на неделен одмор не им се плаќа. Ниту им се знае празник, ниту им се знае делник“, вели Поповска.
