Свадби изабави на затворено, Бектеши: Ова не зависи само од Министерството за економија

Министерството за економија е за одобрување протоколи за организирање свадби и други семејни забави дури и во затворени простории, но ова, според министерот Крешник Бектеши, не зависи само од Министерството за економија. Бектеши во емисијата „Економски магазин“ јавно ја повика Комисијата за инфективни болести што побрзо да го разгледа предлогот на Министерството за економија во врска со протоколот за организирање свадби и други семејни забави дури и во затворен простор.

„Ова не зависи од Министерството за економија, Министерството за економија е во постојана комуникација со сите страни, вклучувајќи ги и организациите кои денес се присутни во студиото. Ние како министерство за економија ја исполнивме нашата обврска, подготвени сме директно да придонесеме во рамките на состанокот на Комисијата оваа недела и конечната одлука и конечниот предлог ќе бидат на Комисијата, затоа што потенциравме дека за време на пандемијата приоритет над приоритетите е здравјето на граѓаните“, рече Бектеши.