Трет ден на жалост поради трагичната автобуска несреќа

Во земјава денеска е трет ден на жалост за трагичната сообраќајна несреќа во Бугарија во која загинаа 46 лица додека седуммина беа повредени, главно македонски државјани. Македонската влада завчера прогласи тридневна жалост во текот на која државното знаме е спуштено на половина копје низ целата земја, како и на дипломатските претставништва во странство. Во тридневната жалост сите јавни настани се одложени, а медиумите ја прилагодуваат програмата со соодветна содржина во согласност со денот на жалоста.