Украинските сили одбија повеќе руски напади на исток, соопшти денеска војската додека Москва продолжува да ја таргетира енергетската инфраструктура на Украина, предизвикувајќи недостиг и прекини во снабдувањето со струја и гас на почетокот на студената сезона.
Генералштабот на украинските вооружени сили соопшти дека војската се борела против руските офанзиви на осум локации во источните региони Доњецк и Луганск.
Претседателот Володимир Зеленски во своето редовно ноќно обраќање рече дека 10 милиони Украинци останале без струја по новиот бран ракетни напади од страна на Русија.
