Усогласување на платите во јавниот сектор, еве што вели владиниот советник, Живковиќ

Работите се решаваат чекор по чекор, дијалогот за усогласувањето на платите и во јавниот сектор ќе следи, вели советникот на премиерот за труд и социјални прашања, Милан Живковиќ, во одговор на коментарот на првиот човек на Конфедерацијата на слободни синдикати, Благоја Ралповски, кој оцени дека зголемувањето на минималецот ќе ги порамни платите кај голем број од вработените во јавниот сектор.

„Работите ги решаваме чекор по чекор и ваквите инсинуации дека толку е лоша состојбата кај вработените во јавниот сектор навистина не е ниту блиску до реалноста. Во примерите коишто го кажа Рапловски има некои неусогласености…јасно е кажано дека дијалогот за усогласувањето на платите и во јавниот сектор ќе следи“, вели Живковиќ.