Утре замрзнување на цените на јајцата и оризот

Утре ќе се замрзнат цените на јајцата и домашниот ориз. Но, надлежните не посочуваат колкави ќе бидат замрзнатите цени, дали ќе останат исти или ќе се намалуваат. Во моментов на домашниот пазар едно јајце се продава по цена од 9-12 денари во зависност од пакувањето и големина. Бидејќи се зголемува потрошувачката на јајца за време на Рамазан и Велигден, од Министерството за економија велат дека е потребна владина одлука за стабилизирање на цената и количината на пазарот. Министерот Бектеши рече дека анализата на пазарот на пченицата и шеќерот покажале стабилизирање на цените, но доколку осцилациите продолжат ќе се одлучат и за нови замрзнувања.

Според земјоделците во земјава, дневно се произведуваат од 700-800 илјади јајца. Покрај задоволувањето на потребите на локалниот пазар, 30-40% од оваа бројка се извезува во странство. Бидејќи просечната цена на едно јајце на локалниот пазар е 14 центи, во сите земји од регионот тие се малку поскапи. Ова ги намами локалните производители да се заканат со зголемен извоз на јајца во пресрет на верските празници.

За производите од месо, овошјето и зеленчукот во иднина ќе се анализираат пазарните параметри, велат надлежните. Сепак, овие производи се меѓу најскапите во потрошувачката кошница, трошоци кои го оптоваруваат џебот на граѓаните. Од економскиот сектор велат дека со зголемувањето на минималната плата во март на 20.175 денари и стабилизирањето на цените на основните прехранбени производи, во текот на овој месец ќе бидат потребни нешто повеќе од 2 минимални плати за да се комплетира потрошувачката кошничка, за 4члено семејство за еден месец./Alsat.mk

Аднан Ќаили