Словачкиот министер за животна средина, Томаш Тараба, објави дека мечката која пред десетина дена повреди пет лица конечно е убиена. Сепак, опозициските политичари сметаат дека ловџиите застрелале погрешно животно и бараат објаснување, јавува Би-би-си.
На социјалните мрежи на 17 март се рашири видео од мечка што трча низ улиците на Липтовски Микулаш. Тараба рече дека мечката била пронајдена и убиена по 10 дена лов во кој биле користени дронови и биометриска технологија, а на Фејсбук им се заблагодарил на сите кои учествувале во ловот.
five people – a ten-year-old girl, a 32-year-old man and a 72-year-old man, a 49-year-old woman and a 58-year-old woman – were injured, scratched or bitten by a bear.#bear #attack #Slovakia pic.twitter.com/rEXx2MM6Tp
— Six by Six Hunting (@Sixbysixhunting) March 17, 2024
Опозициските политичари го повикаа Тараба да разјасни што се случило и ја обвинија владата дека користи трик пред претседателските избори на 6 април.
– Сигурен сум дека не е истата мечка. Тоа е прилично очигледно, рече Михал Визик, еколошки активист и член на Европскиот парламент од опозициската партија Прогресивна Словачка.
Тој додаде дека пукањето во мечка која не претставува закана е кршење на законите на Европската унија, како и на словачките закони. Министерството и Државната управа за заштита на природата претходно соопштија дека се трага по машка мечка тешка 80-100 килограми, а убиена е женка тешка 67,9 килограми и 152 сантиметри.
Случаен минувач нашол расфрлани документи на страната на патот, кои очигледно ги изгубиле членовите на ловечкото друштво. Во претходниот напад беа повредени пет лица, меѓу кои и едно десетгодишно девојче, а двајца од нив со рани и гребаници се пренесени во болница.
Некои членови на Владата се за олабавување на заштитата на дивите животни во ЕУ, со којашто се спречува ловот на мечки и волци. Министерството во соработка со Романија ќе побара од Европската унија да ги преквалификува мечките за да се дозволи нивно селективно убивање.
Подобрата заштита на животната средина во Централна и Источна Европа од 1989 година значи дека мечките се вратиле во нивните природни живеалишта низ Карпатите. Истражувачите, напротив, тврдат дека нема зголемување на популацијата на мечки во Словачка и дека нивниот број останува стабилен на околу 1.275 единки.