ВМРО-ДПМНЕ поднесе два амандмани за законот за студентските оброци

Пратеникот Бојан Стојановски изјави дека предложените измени на законот за субвенционирање на студентски оброк не се во интерес на студентите и не нудат долгорочни решенија.

„Првиот амандман е за зголемување на средствата за студентски оброк од 120 денари, како што предлага мнозинството, на 160 денари, додека пак вториот е за продолжување на рокот до крајот на учебната година, наместо до март 2023 година, како што предлага мнозинството, изјави Стојановски.

Предложениот закон за студентска дажба денеска ќе се расправа во Комисијата за финансирање и буџет, по скратена постапка.