Mot me diell dhe vranësira, shi i mundshëm në pasdite
Moti sot do të jetë kryesisht me diell me vranësira të lehta deri në mesatare, ndërsa pasdite priten shira të rrëmbyeshëm dhe bubullima në disa vende, njofton Administrata Hidrometeorologjike.
Do të fryjë erë mesatare, herë pas here e fortë nga veriperëndimi, që do të arrijë shpejtësi deri në 40 kilometra në orë përgjatë lumit Vardar.
Temperaturat e mëngjesit do të lëvizin nga 10 deri në 20 gradë Celsius, ndërsa maksimalet e ditës do të arrijnë nga 21 deri në 33 gradë.
