MPB-ja vazhdon kontrollet në trafik, ja sa gjoba u shqiptuan dje në Shkup

Ministria për Punë të Brendshme gjatë ditës së djeshme ka vazhduar me kontrollet e shtuara në trafik, me çrrastë vetëm në territorin e Shkupit janë shqiptuar 192 gjoba dhe atë: 109 për tejkalim të shpejtësisë, 34 për vozitje në gjendje të dehur, 14 për ngasje të makinës pa patentë shoferi. Nga MPB njoftojnë se janë dënuar edhe tre motoçiklistë.

Nga Ministria për Punë të Brendshme njoftojnë se kontrollet e shtuara në trafik do të vazhdojnë edhe gjatë ditëve në vijim, andaj apelojnë për respektim të rregullave të trafikut.