MPB njofton: 199 gjoba në Shkup, 67 për tejkalim të shpejtësisë

Ministria për Punë të Brendshme (MPB) njofton se gjatë ditës së djeshme në territorin e Shkupit janë shqiptuar gjithsej 199 gjoba, nga të cilat 67 për tejkalim të shpejtësisë, 22 gjoba për vozitje pa patentë shoferi, 33 gjoba iu shqiptuan motoçiklistëve.

Sipas raportit të MPB-së janë shqiptuar dhe gjashtë gjoba për përdorim të celularit gjatë drejtimit të automjetit, 14 për vozitje nën ndikim të alkoolit, pesë për kalim në semafor të kuq dhe gjashtë të tjera për automjete të paregjistruara.

Nga MPB njoftojnë se kontrollet e trafikut do të vazhdojnë edhe në ditët në vijim. Andaj apelojnë tek qytetarët që të respektojnë rregullat e komunikacionit në mënyrë që të rritet siguria në komunikacion dhe së bashku të kontribuojmë për rrugë më të sigurta.