MPB: Sanksionohen 176 vozitës në Karposh

Ministria për Punë të Brendshme gjatë ditës së djeshme (18.11.2020) ka vazhduar me kontrollet e shtuara në trafik. Ne territorin e Komunës së Karposhit janë shqiptuar 176 gjoba, mes të cilave 24 për ngasje të automjetit pa patentë shoferi, 15 për makina të paregjistruara dhe teknikisht të parregullta dhe 6 sanksione për mosmbajtje të maskës mbrojtëse.

Nga MPB-ja njoftojnë se aktivitetet e shtuara do vazhdojnë edhe në ditët në vijim, andaj edhe apelojnë deri tek të gjithë vozitësit që të respektojnë rregullat dhe të kontribuojnë për siguri më të madhe në trafik.