Mund të largohet me parametra zero, aktivizohen gjigandët anglez

Liverpulli po shqyrton mundësinë e nënshkrimit të mesfushorit të talentuar të Barcelonës, Gavi, pasi klubi katalanas nuk ishte në gjendje të regjistronte kontratën e tij të re profesionale.

18-vjeçari është shfaqur si një nga talentet më të ndritur në futbollin botëror dhe është një lojtar i rregullt si për blaugranat ashtu edhe për kombëtaren spanjolle. Në shtator, ai ia kushtoi të ardhmen Barcelonës duke rënë dakord për një marrëveshje të re fitimprurëse, duke përfshirë klauzolën prej 1 miliard eurosh.

Megjithatë, La Liga refuzoi të ratifikojë marrëveshjen për shkak të çështjeve të vazhdueshme financiare të klubit dhe pavarësisht se Barcelona po vazhdon të regjistrojë lojtarin në kushte profesionale, pavarësisht pozicionit të ligës, një gjykatë katalanase ka vendosur kundër klubit, që do të thotë se regjistrimi i tij është kthyer me atë të një lojtari të ekipit të të rinjve.

Pavarësisht kësaj situate ligjore, “The Times” raporton se Liverpulli së bashku me Man. Sitin janë admirues të mëdhenj të lojtarit dhe janë inkurajuar nga situata aktuale e kontratës së tij.

Humbja e Gavit me parametra zero do të ishte një goditje monumentale për Barcelonën, e cila tashmë është informuar se nuk d otë jetë në gjendje të nënshkruajë me lojtarë të rinj gjatë verës nëse nuk mund të mbledhë në arkat e saj rreth 178 milionë paund.