Ndalesë qarkullimi për kamionë në Strazhë dhe disa rrugë të tjera

Nga ora 07:15 është vendosur ndalim qarkullimi i automjeteve të rënda në rrugën Kërçovë – Ohër përmes kalimit malor Presekë.

Ndalim qarkullimi për kamionë ka edhe në qafën malore të Strazhës, në rrugën Tetovë – Kodra e Diellit, si dhe në qafën malore Gjavato. Për llojet e tjera të automjeteve, përdorimi i pajisjeve dimërore është i detyrueshëm, informojnë LAMM.

Në rrugët e tjera qarkullimi zhvillohet në rrugë të lagështa, në disa vende më të larta në rrugë ka mbetje të dëborës.