Nëse jeni shqetësuar se inteligjenca artificiale do të transformojë punën tuaj, atëherë jeni shumë vonë pasi kjo është duke ndodhur

Revolucioni i AI është tashmë këtu. Zhvillimet e fundit si chatbot-et janë të rëndësishme, por ato më së shumti shërbejnë si një kujtesë se inteligjenca artificiale ka ndikuar thellë në jetën tonë për dekada.

Tani për tani, teksti i ri (si ChatGPT) dhe sistemet e gjenerimit të imazheve (si DALL·E 2 dhe Midjourney) janë aplikacionet e para të AI që lejojnë kaq shumë përdorues të zakonshëm të përdorin AI për detyra krijuese.

Cara LaPointe, bashkëdrejtoreshë e Institutit të Teknologjisë Johns Hopkins, tha se “ne jemi në një pikë ndryshimi”.

Në të kaluarën ju duhej të kishit burimet e Google për të krijuar diçka të dobishme me AI. Tani, kushdo që ka një lidhje interneti mundet.

Bashkëthemeluesi i Microsoft, Bill Gates, kohët e fundit shkroi në një artikull se ne jetojmë në “epokën e inteligjencës artificiale”.

Tani pas një dekade, AI është një mjet kyç në luftën, financat, drejtimin e tregjeve të kapitalit, sigurimin e aseteve tona, targetimin e reklamave dhe fuqizimin e rezultateve tona të kërkimit.

Dr. LaPointe vëren se ajo që karakterizon periudhën aktuale është se kompjuterët, në vend të njerëzve, po ndërtojnë modelet që përdorin makinat për të përfunduar një detyrë.

ChatGPT përdor shumë nga algoritmet dhe teknologjitë që shkencëtarët e AI kanë zhvilluar prej vitesh për të parashikuar se cilën fjalë të shtojnë pranë një teksti ekzistues.

Dhe kjo është arsyeja pse teknologjia po përfshihet në mjetet e kërkimit dhe produktivitetit nga Microsoft, Google dhe startup-e të panumërta në çdo fushë që mund të imagjinohet, nga kujdesi shëndetësor te taksat e deri te videolojërat.

Shumë prej nesh nuk janë plotësisht të vetëdijshëm për të, AI ka transformuar industri të tëra, nga shitja me pakicë dhe logjistika në media dhe banka.

Gjithmonë kur gjejmë atë që kërkojmë në Google, porosisim diçka dhe ajo mbërrin në të njëjtën ditë, marrim një ofertë online nga një kompani sigurimesh, ose një raketë e drejtuar gjen objektivin e saj një mijë milje nga pika e saj e lëshimit, të gjitha këto janë rezultat i inteligjence artificiale.

Ashtu si me çdo teknologji të re, të kuptuarit e ndikimeve të mundshme në të ardhmen kërkon të kuptuarit se si funksionon diçka. Cal Newport, asistent profesor i Shkencave Kompjuterike në Universitetin Georgetown, shkroi një ese për mënyrën se si funksionon në të vërtetë ChatGPT.

Por ChatGPT nuk ka tru. Dr. Newport shprehet në esenë e tij në New Yorker se “një sistem si ChatGPT nuk krijon, ai imiton.”