Një 16-vjeçar vdiq si pasojë e një aksidenti duke drejtuar një motoçikletë në Shkup

Gazetar: Angell Dimovski

Dalja me motor natën vonë mbrëmë ishte fatale për një djalë 16-vjeçar, i cili, ndërsa drejtonte motoçikletën pa leje dhe helmetë mbrojtëse, është përplasur me një skuter elektrik. Prokuroria Themelore Publike thotë se motoçiklisti ka vdekur në vend nga plagët e marra, ndërsa vdekjen e ka konfirmuar mjeku nga Shërbimi i mjekësisë urgjente. Drejtuesi i skuterit, 14 vjeçar ka pësuar lëndime trupore dhe është dërguar në Qendrën e emergjencës në Klinikën “Nëna Terezë”, ku janë konstatuar lëndimet.

“Sipas gjetjeve fillestare pas kontrollit, 16-vjeçari drejtonte mjetin pa leje drejtimi dhe helmetë mbrojtëse, si dhe me shpejtësi mbi limitin e lejuar. Në vendin kritik, ai nuk arriti të shmangte skuterin elektrik të drejtuar nga një 14-vjeçar në rrugë. Në aksidentin rrugor, drejtuesi i motoçikletës pësoi lëndime të rënda nga të cilat vdiq në vend, ndërsa i mituri që drejtonte skuterin u lëndua dhe u ndalua për trajtim”, thonë nga Prokuroria Themelore Publike- Shkup.

Ministria e Punëve të Brendshme thotë se pas dokumentimit të rastit, do të bëhet raport përkatës.

“Motoçiklisti vdiq në vendngjarje nga plagët e marra, dhe vdekja e tij u konfirmua nga një mjek i Shërbimit të Urgjencës Mjekësore. Ndërkohë, 14-vjeçari pësoi lëndime që u konfirmuan në Qendrën e Urgjencës në Kompleksin e Klinikave “Nënë Tereza”. Ekipi i SPB Shkup dhe një prokuror publik kanë kryer inspektim në vendin e aksidentit, me urdhër të të cilit trupi i të ndjerit është dërguar për autopsi. Pas dokumentimit të rastit, do të pasojë raport përkatës”, tha Goce Andreevski– zëdhënës i MPB-së.

Të dhënat nga kontrollet e fundit të kryera nga policia tregojnë se më shumë se 12 përqind e shoferëve drejtojnë automjete pa leje. Në tre ditët nga 18 prilli deri më 22 prill, nga gjithsej mbi 2000 gjoba të shkruara, 300 kanë qenë për parkim të paligjshëm, mbi 1000 për shpejtësi mbi kufirin e lejuar dhe pothuajse 260 për drejtim pa leje./Alsat.mk