Një aeroplan pasagjerësh zhduket pas ngritjes në Indonezi

Një aeroplan pasagjerësh me më shumë se 50 persona në bord është zhdukur pas ngritjes nga kryeqyteti indonezian Xhakartë, raporton BBC.

Disa agjenci tjera të lajmeve raportojnë se është e paqartë se sa pasagjerë dhe ekuipazh ishin në bordin e Boeing 737-500.

Sriwijaya Air Boeing 737 humbi kontaktin gjatë rrugës për në Pontianak në provincën perëndimore Kalimantan, thanë zyrtarët.

Uebfaqja për gjurmimin e fluturimeve Flightradar24.com tha se avioni kishte humbur lartësi prej 3,000 metrash në më pak se një minutë.

Ministria e Transportit e Indonezisë tha se përpjekjet e kërkim-shpëtimit kanë filluar.

Aeroplani nuk është i modelit Boeing 737 Max, i përfshirë në dy incidente në vitet e fundit.