Një avokat divorci zbuloi arsyen më të zakonshme pse prishen martesat
Avokatja britanike e divorcit e cila quhet edhe “mbretëresha e divorceve”, Ayesha Wardagh, ka shpjeguar se cilat mendon se janë problemet më të zakonshme në martesë, për të cilat çiftet kërkojnë shërbimet e saj.
“Ata nuk i kushtojnë më vëmendje martesës dhe njëri-tjetrit. “Kjo mund t’i ndodhë kujtdo, pavarësisht se sa e mirë ka qenë martesa më parë,” thotë ajo.
“Unë gjithmonë them se shumica e divorceve ndodhin sepse e kuptoni se personi me të cilin jeni nuk është më personi me të cilin jeni martuar”, tha ajo për Mirror.
Sot, shton ajo, një problem i madh është se për shkak të rritjes astronomike të kostos së jetesës dhe stanjacionit të tregut të pasurive të paluajtshme, edhe pas divorcit, njerëzit shpesh mbeten të bllokuar në të njëjtën familje me ish-partnerët e tyre.
Disa duhet të kthehen te prindërit e tyre ose të jetojnë me fëmijët e tyre të rritur, gjë që nuk është e lehtë për askënd – thotë Ayesha, e cila është divorcuar vetë, dhe shton se është shumë e rëndësishme në fund të martesës të kuptojmë se marrëdhëniet ndonjëherë thjesht ndryshojnë. dhe se divorci nuk është faji i askujt.
“Sot, në kohët moderne, është e vështirë të mbahet një martesë, aq më tepër që jetëgjatësia zgjat deri në njëqind vjet. Ka mbetur shumë kohë për t’iu përshtatur një qenieje tjetër në fazat e ndryshme të jetës,” përfundoi ajo.
Megjithatë, tregon ajo, divorci nuk duhet të jetë fundi, por mund të jetë një fillim i ri i lidhjes, por edhe fillimi i një marrëdhënieje ndryshe me veten.
“Pas divorcit, ne mund të qëndrojmë në marrëdhënie të mira me ish-partnerin dhe të kemi një jetë të mirë dhe të ekuilibruar në të cilën ndërtojmë një karrierë dhe zhvillojmë, krijojmë disa marrëdhënie të reja dhe kemi kohë dhe hapësirë të mjaftueshme për interesa të reja”, thotë ajo.
