Një tërmet i fortë goditi Hawaiin mes rritjes së aktivitetit në vullkanin Mauna Loa

Një tërmet me magnitudë 5.1 ballë të shkallës Rihter tronditi mbrëmë vullkanin Havai Mauna Loa – vullkani më i madh aktiv në planet, i cili sipas shkencëtarëve është në një “gjendje të aktivitetit në rritje”.

Njerëzit në Big Island raportuan se ndjenin dridhje të lehta nga tërmeti.

Kryetari i qarkut Hawaii Mitch Roth tha se nuk ka raporte për dëme apo lëndime në këtë moment.

Sipas Shërbimit Gjeologjik të SHBA-së, të paktën 8 pasgoditje më të vogla pasuan tërmetin në Rezervatin Pyjor Kau pranë qytetit juglindor të ishullit Pahala.

Mauna Loa nuk po shpërthen dhe aktualisht nuk ka asnjë shenjë të një shpërthimi të afërt. “Megjithatë, Mauna Loa mbetet në një gjendje aktiviteti të shtuar, siç dëshmohet nga rritja e aktivitetit sizmik”, tha Shërbimi Gjeologjik i SHBA. “Kjo ka të ngjarë të shkaktohet nga një fluks i ripërtërirë i magmës në sistemin e rezervuarit në majë të Mauna Loa.”

Qendra e Paralajmërimit të Tsunamit të Paqësorit tha se nuk ka kërcënim për cunami për këtë shtet amerikan.