Omicron errëson festat, pakësohen turistët në Betlehem gjatë Krishtlindjes
Përgatitjet kishin nisur në qytetin palestinez të Betlehemit, ku Krishtlindjet e sivjetshme duhet të ishin një festë e madhe në qytetin palestinez të Betlehemit.
Ndryshe nga bllokimi i vitit të kaluar dhe mbyllja e Kishës së Lindjes së Krishtit për shkak të pandemisë, këtë vit turistët dhe pelegrinët pritej të riktheheshin dhe të ndihmonin ekonominë e qytetit.
Por mbërritja e variantit Omicron i COVID-19 ka shuar shpresat dhe duke lënë shumë dhoma të parezervuara në hotelet e qytetit.
Vetëm pak javë më parë, palestinezët e Betlehemit festuan ndezjen e dritave të pemës tradicionale të Krishtlindjes përpara Kishës së Lindjes së Krishtit.
Dyqanet dhe hotelet prisnin me padurim ardhjen e mijëra turistëve dhe pelegrinëve, ndryshe nga Krishtlindjet e vitit të kaluar, kur qyteti ishte i bllokuar për shkak të masave kufizuese kundër koronavirusit.
Tani, prej Omicronit po mbyllen 67 hotele e mbi 120 dyqane që shesin produkte antike orientale e restorante.
Zyrtarët vendas flasin për një një dëm të madh ekonomik në Betlehem, ku më shumë se gjysma e të ardhurave sigurohen pikërisht nga turizmi, e veçanërisht të krishterët që dynden nga e gjithë bota.
