Osmani për kërkesën e Biden ndaj Serbisë: Qasje që ka munguar
Ushtruesja e detyrës së Presidentit të Kosovës, Vjosa Osmani, ka mirëpritur letrën e Presidentit të SHBA-së, Joe Biden, drejtuar Presidentit të Serbisë, Aleksandër Vuçiq.
“Mirëpres qëndrimin e qartë të Joe Biden për procesin e dialogut Kosovë – Serbi. Është e qartë padyshim se e vetmja rrugë që çon përpara në dialog është marrëveshja për njohje të ndërsjellë. Kjo qasje ka munguar që nga fillimi i dialogut – një qasje e nevojshme për përfundim të suksesshëm”, është shprehur Osmani.
