Pamje nga bllokimi i rrugëve në Veri, tri auto-ambulanca shihen në vendin e ngjarjes
Pamje nga bllokimi i rrugëve në Veri, tri auto-ambulanca shihen në vendin e ngjarjes
Qytetarët serbë në veri kanë filluar të mblidhen në Rudarë, në afërsi të Zveçanit.
Siç raporton REL, rrugët janë bllokuar në Rudarë, komuna e Zveçanit, si dhe në Leposaviq.
Krahas kësaj alarmi i sigurisë është ndezur në Veri të Mitrovicës.
Në disa pamje të publikuara shihet se serbët kanë filluar vendosin sërish barrikadat.
Aty shihen edhe disa auto-ambulanca.
Drejtori i të ashtuquajturës “Zyra për Kosovën” në Qeverinë e Serbisë, Petar Petkoviq, ka thënë se sot Policia e Kosovës ka arrestuar ish-punonjësin e saj, Dejan Pantiq.
Sipas tij kjo është “hakmarrje dhe frikësim brutal nga Kurti’. Këtë Ptekoviq thotë se ia ka thënë ndërmjetësit evropian në dialog, Miroslav Lajçak, të cilin e ka telefonuar.
Ai ka thënë se Pantiq është arrestuar në pikë kalimin kufitar në Jarinje.
