Pamje spektakolare të Tokës, NASA publikon foto të reja nga hapësira

Agjencia amerikane e hapësirës NASA dje publikoi në rrjetin social X disa fotografi të reja me rezolucion të lartë të Tokës.

“Në këtë imazh të Tokës të marrë nga ekuipazhi i Artemis II, mund të shohim dritat elektrike të aktivitetit njerëzor. Në pjesën e poshtme djathtas, rrezet e diellit ndriçojnë skajin e planeti”, njoftoi angjencia, përmes rrjetit X.

Even in darkness, we glow.

In this image of Earth taken by the Artemis II crew, we can see the electric lights of human activity. In the lower right, sunlight illuminates the limb of the planet. pic.twitter.com/kWcjHFvoDM

— NASA (@NASA) April 3, 2026

“E shohim planetin tonë në tërësi, të ndriçuar me nuanca spektakolare blu dhe kafe. Aurorat e gjelbra ndriçojnë madje edhe atmosferën. Kjo jemi ne, së bashku, ndërsa ndjekim astronautët tanë në udhëtimin e tyre drejt Hënës,” shtuan ata.

Kapsula Orion do të udhëtojë rreth 6.400 kilometra përtej Hënës dhe të hënën do të kalojë pranë saj, që është momenti i radhës i madh i misionit, i cili do ta çojë ekuipazhin rreth 406.000 kilometra në hapësirë përpara se të kthehet në Tokë.

Rekordi aktual për fluturimin më të gjatë në hapësirë është rreth 400.000 kilometra, i vendosur në vitin 1970 nga anëtarët e misionit hënor Apollo 13.

Megjithëse astronautët nuk do të zbresin në Hënë, misioni Artemis II hap rrugën për zbarkimet e ardhshme dhe njëkohësisht vendos bazat për dërgimin e një ekuipazhi në Mars.

Misioni më herët ishte shtyrë për dy muaj për shkak të rrjedhjes së hidrogjenit dhe bllokimit të tubave të heliumit./Alsat.mk.